Somos os nenos e nenas de 3º ciclo, estivemos investigando e este é un resumo da nosa informaciónsobre o pazo de Oca:
Atópase en San Estevo de Oca, no concello de A Estrada. Dende Santiago de Compostela hai que tomar a estrada de Ourense e a 20 Km aproximadamente, despois de cruzar o río Ulla ,un desvío cara a dereita indica: " Oca a 1 Km.".A estrada leva ata a entrada do pazo.
O conxunto arquitectónico está constituido polo pazo, a capela e as casas próximas (antigas casas de xornaleiros e hoxe vivendas unifamiliares).Tivo a súa orixe nunha torre defensiva militar, que pasando a época de guerras convertiuse nun edificio de carácter civil.
A orixe dos señores de Oca remontáse a tempos do rei Don Pedro de Castela.Un dos primeiros nomes do século XV é o de Suero de Oca casado con María Gómez de Sotomaior.As guerras feudais entre a nobreza galega e o clero levaron a perda do pazo entre o ano 1477, pasando a mans do arcebispo de Santiago, Alonso de Fonseca I.
A fortaleza de Oca estivo durante un século nas mans do arcebispado, ata que lla cedeu a Felipe II para a súa posterior venda. Comprouna a compostelá Maria de Neira por 195.775 maravedís en 1586 . Anos despois o neto de Dona María déixallo a un sobriño,entrando dentro dos propietarios do pazo, a casa dos Gayoso, considerada unha das máis antigas e calificadas do Reino de Galicia. De entre os Gayoso destaca un nome, Andrés Gayoso Ozores de Sotomaior, que comezou en 1733 a reconstrución do actual pazo, convertíndose Oca nun conxunto agrícola e residencial de estilo barroco. Na actualidade, o pazo de Oca é propiedade da duquesa de Medinaceli e do duque de Segorbe.
O pazo de Oca foi cambiando co paso do tempo. As súas principais reformas producíronse cando era señor de Oca, Andrés Gayoso Ozores. A parte máis antiga está formada por dous extensas ás en forma de "L" e a torre almenada que se levanta no extremo norte.
No século XIX seguïronse realizando reformas como a galería, a escaleira principal e a construción de pequenos pabillóns de madeira. Desta época é a Casa do Capelán, construida utilizando a pedra dunha antiga casa suiza.
Outro dos elementos que conforman a praza de Oca é a igrexa- capela que foi mandada edificar por María de Neira. É unha construción de grande tamaño de estilo barroco e con disposición de cruz grega. Dúas torres xemelgas presiden a fachada principal. A capela está adicada a Santo Antonio de Padua e se atopa unida ao pazo por unha traballada galería. Desta forma os señores podían acceder directamente á igrexa desde o interior do pazo.